2010 жыл 24 ақпанда Қазақстан Республикасы Ұлттық Академиялық кітапханасында ҚР Президент Әкімшілігі төрағасының орынбасары М.С.Әшімбаевтің төрағалық етуімен 2009 – 2011 жылдарға арналған «Мәдени мұра» Ұлттық стратегиялық жобасын жүзеге асыру жөніндегі қоғамдық Кеңестің кезекті отырысы өтті.

Отырыс барысында «Мәдени мұра» Ұлттық стратегиялық жобасының 2009 жылғы жүзеге асырылу қорытындысы және 2010 жылға арналған тарихи-мәдени мұраларды насихаттаудың бірінші кезектегі мәселелері мен қызметінің басым бағыттары талқыланды.

Қоғамдық Кеңес мүшелерінің алдында Қазақстан Республикасы Мәдениет және ақпарат министрі М.А.Құл-Мұхаммед пен Білім және ғылым министрі Ж.Қ.Түймебаев, сондай-ақ, Археология институтының директоры К.М.Байпақов, РМК «Қазреставрация» бас директоры К.К.Тұякбаев және Қазақстанның Орталық мемлекеттік мұражайының директоры Н.А.Алимбай сөз сөйледі.

Қоғамдық Кеңес отырысының шеңберінде «Мәдени мұра» Ұлттық стратегиялық жобасының 2009 жылғы жүзеге асырылу қорытындысына арналған көрме ұйымдастырылды. Мұнда көрермендер назарына бірегей картиналар мен фотосуреттер, көркем басылымдар, археологиялық ескерткіштер мен басқадай экспонаттар ұсынылды.